| 元元 的个人资料♪ ♬ 遗失的音符 ♬ ♪照片日志列表 |  工具  帮助 |
|
♪ ♬ 遗失的音符 ♬ ♪感动我的旋律..一辈子也忘不了... 2007/9/2 這個周末 上星期去香港報左個日文二級考試，冇驚冇險順利完成。我都未試過系報名表度填自己個名吾用中文，殖民地果然系吾同D。
琴日一早出去踢波之后，今朝10點先返到屋企。琴日下午三點小學同學小聚會，得6個人，去左市一宮睇鬼片，戲名叫乜鬼野19層地獄，真系麻麻地，好彩有個小朋友幫我地買學生票，15蚊就搞掂，D工作人員真系CHECK都吾CHECK下，我地當中明明有個人一副返工甘既LOOK。 睇完戲，我地俾人老點左去周記食點心，我地叫左好多野，最后食靜左一舊牛肉丸，就擺左系我面前既牛肉丸。 食完野，用我去個廁所既時間，距地已經決定左去直落唱K了。加州紅，果然系越唱越窮。從來唱K我都靜系唱K,吾玩其他野既，今晚都吾例外。自從色鐘一出現之后距地就開始發癲了。我吾系吾中意一齊玩，而系我好吾飲得，所以我都系繼續唱我既歌。由11點，一路到2點，3點，4點，估吾到林走都俾距地灌左兩杯，而果3個女人已經玩到精神出現問題，至于詳情我林無必要描敘落去了。由于時間太早既關系，我唯有去彬哥度休息幾個鐘再坐車翻屋企。好累....... 2007/8/22 2 books 今日去书市，本来林住买D日文练习，点知买左一本小说同一本文学书。
《150CM LIFE》我林D身材娇小既女仔睇呢本书一定感同身受，呢本书准确来讲更似系一本漫画。作者系一个身高150CM既女仔，应该系姐姐仔。。。。距用距150CM既视角，睇到左好多平时我地发现吾到既趣事，好得意。
《钝感力》-----“迟钝的力量”，日本冠军畅销书，终于出左中文版。简单D来讲，钝感力系一种新既处世态度，比起激昂，敏感既情绪，更具有智慧，更适合生活于呢个社会既你。
  2007/8/20 悟 可怜既BLOG，你的主人实在是懒，令你睇上去好寂寞。
今日，我只狗MOMO另我真真切切甘体会到一句话，“能力系逼出来的。”话说我屋企有个阳台，阳台有个窗口可以望入个庭。 有几次，系屋企无人既时候我只狗MOMO走左出阳台，但系阳台门俾风吹埋左，距入吾到屋，直到我翻到屋企先放翻距入来。 但系今日当我准备落街买饭既时候，由于吾想距跟埋我去，所以我关左距系阳台，林住距一定出吾到来。点知系我准备出门既一刹那，距竟然系个窗口度跳左出来，我呆左下，距平时系吾敢从窗口跳翻出来的，因为有一定既高度同埋狭窄既空间，由于受到“想去街”呢个强烈既欲望影响，距竟然做出D可能连距自己都想象吾到既事。呢个时候我林起一句话：“能力系逼出来的。”终于我俾距既勇气征服左，下午带左距落街散步，距搵下边度有狗女，我望下边度有靓女，一举两得。 2007/7/19 ChiNA 估吾到中國隊甘就俾人地隊左出局，睇到2：0既時候我已經完全無興趣再睇落去了，點知翻入房無幾耐，聽到個講波佬再叫多聲：3比0啦！
最近身體特別強壯，個個星期六去踢波，上個星期仲連踢兩日，雖然有D累，但系依然好暢快，希望可以永遠持續落去。
張震岳同迪克牛仔只新碟D歌依然保持住距地自己一貫既風格，正，老爹真系越老越有味道，只有距先唱得出果種特別滄桑既感覺。
近來既生活睇來無太多驚喜，導致我無乜動力上來寫日志。
2007/6/24 小强 今日星期六，我又系好准时甘10点半去到西郊踢波（约左10点）。今日既太阳实在太过猛烈，晒到我地呢班老野个个气HUE气喘，唉晒救命，下星期继续。
踢完波，我同咸湿佬，四眼龟，仲有雷锋，四个毒男去左上下九步行街度步行，呢D天时行街非常好，因为总会有好多益街房既女仔着得好清凉，好具观赏性，毒男们既眼球就转个不停。
今晚当我好认真甘做紧日文练习既时候，突然一只小强飞左落我只手上面，吓到我即时大叫一声，然后迅速拿起拖鞋将其杀害。但估吾到过左几分钟又有另一只从窗口爬左入来，仲要周围甘飞。我只好再次拿起脚下既拖鞋，做好击球姿势，系距向我飞扑过来千钧一发既瞬间，一个漂亮既全垒打击出，但竟然跌左落系我张床度，晕左。我衬距未醒翻，马上拿起距掉左入厕所，从此我间房又恢复左往日既安宁。 2007/6/21 どんだけ～ 今日终于有时间一个人去书市逛下了。入到去发现负一层系度装修，吾紧要，我今日只系想去2楼睇下D日文书。但当我上到2楼既时候，只系见到一块木板档系面前，写住，“今日盘点，暂停营业。” ええええええ！！！うそでしょう！！！我去过甘多次书市都系第一次遇到呢个情况，我甘远走来呢度变左浪费时间。好彩今日仲有个任务系帮表姐买SD卡，都算无浪费时间，我拿左去爱玛仕度放低俾距。
讲起HERMAS，我认识呢个牌子真系多得电车男，如果吾系既话今日先会系我第一次认识爱玛仕。呢个牌子我以为只系戏入面虚构的，前排先知原来真系有，仲要贵到娘亲都吾认得果只添。要我行入一个左边LV，右边HERMAS，前D PRADA，再前D DIOR既地方，系好有压力的，因为呢个已经吾系十万九千七既问题来了，D商品都系以万来做单位的，是但买几件衫就贵过部QQ，我呢D行入去正一运吉既人都系尽量缩短系入面停留既时间好D。 2007/6/9 Again 今日一早去踢波，爽！！5人场，爽！！吾知点解今日好似跑极都仲有力，满场飞奔，超爽！！！
奔跑既感觉真系好，仲要着住一件好松身既波衫，奔驰于球场上既感觉好FREE，踢完波个天仲落左一场好大既雨，正！这就是青春的岁月！
我吾多中意毛毛雨，吾中意落下又停下既雨，可以讲根本我就讨厌落雨，除非系倾盘大雨，好大好大果种。落得越大就越觉得呢个世界越宁静，好似整个地球就只有雨既声音，领到人心情舒畅。
踢完波系西湾路等225既时候我又见到果个女仔，好耐都吾见距了，以为距搬左。我只系无意中转一转个头就已经系远处见到距了，如果从睇女既角度来讲，我既视力真系very good! 可以发挥人类瞬间判断能力既最高境界。但系每次见到距之后都会有一种我自己都表达吾出既感觉，怪怪的......
2007/6/7 6月6日 有句话讲得好，够直接：“甘就一世了。”
姑婆八十六年既人生，从此落下帷幕。系我有记忆既日子当中，我同姑婆见面既次数非常少，可能平均一年只有2，3次。通常系过年既时候总会见到一次。姑婆平时好吾舍得用钱，就连过年俾我地呢D细路既利是，都系用一张正方形既红色纸，包住两蚊“阿元～俾封利是你。”姑婆讲过其他既话我大概都已经吾记得了，除左以上果句，声音加上特别既画面系最能够巩固记忆的。同样系我有记忆既日子当中，每一年都只有姑婆既利是封系最特别既，虽然并吾称得上有美感，但却系最有土产味道的。一向追求创意既我，就算系当年细细个既时候，都吾会对利是入面既金额有太多抱怨。
今日送完姑婆最后一程之后，跟住去左华林寺上香，仲搵左D和尚来念左两下经。发现原来用和尚念经来形容一个人讲野好烦，系非常之贴切的，亲身体验过既人一定觉得好有说服力。
最后但愿姑婆会系无悲伤，无烦恼既地方获得重生，或者系尘土中得到真正既安宁，长眠下去。
×××××××××××××××××××××××××××××××××××××××××××××××××××××××××
在人的命运安排中，
死亡或许是最好的一种安排了。
但是人们却畏惧死亡，好像他们完全洞悉死亡乃罪恶之极一样。
明明是自己没有参透的命运，却佯装洞知一切，
这种无知是不是有些荒诞可笑呢？
——苏格拉底
2007/6/3 運命じゃない人 今日下午睇既呢出戲真系夠曬離奇曲折，確實系好戲一出。劇情同時間換轉得非常好，出戲中文名叫『遇人不熟』，日文系『運命じゃない人』。呢一年來真系睇左好多日本電視劇同電影，學日文嘛，聽得多一定有好處既。我覺得一出電影如果可以領到人睇完一次之后仲想睇多次既話，呢出電影一定吾簡單，而今日睇既呢出戲確實有領人想睇多次既沖動。戲入面仲充滿好多幽默色彩，你一路睇可能心入面會一路講“有意思，有意思...”。
然而呢出戲對我來講仲有一個驚喜，戲入面有個女人個樣，好似我以前讀中專果陣，日日翻學坐車都見到既果個女仔，有D角度望落去真系好似.........當然個女仔會青春好多，而戲中人都已經32歲了。算了....都系吾好提了.......
真系似.....系我有限既記憶當中。
2007/6/1 四月物语 我越来越中意岩井俊二既作品，好唯美，好中意呢种STYLE，可惜已经好耐无新作了。下午系屋企睇左出98年既电影，可能系我睇过最短既一出电影，连埋上字幕都只系得1小时07分钟，感觉好似仲想继续睇落去甘。
『四月物语』呢出戏，只系简单既音乐加上唯美既画面，并无乜野特别既元素，但却令人回味。当年仲系21岁既松隆子，果一副无辜的笑容，今年22岁既我，好难抵挡。
我记得十年前就听过呢个人既名，但系觉得距只系好样小小，无乜野特别，所以一直将距忽略左。直到旧年听翻距唱既一只老歌『夢のしずく』，开始留意距既音乐，原来距把声好好听，唱功一D都吾差，仲有良好既创作能力，『四月物语』既原声音乐当中既钢琴声就系距亲自弹的。
之后突然发现距好似靓左好多，嗯。。。以前从来都吾觉。
2007.5.31 2007/5/26 失败 本来林住今日会上来记录低我抢滩成功既心情，可惜事与愿违，今日再一次报名失败，吾通真系要我去香港报名？去甘×远来考个日语二级，值吾值呢？反正我明年点都要报一级咖啦，不如今年就算罢啦。但系吾考又好似缺少左D学习既动力甘，真系郁闷。（系呢个时候凌晨一点，对面楼竟然传来一个女人既尖叫声！条件反射马上令个头过去望下咩事，原来只系一男一女吾知系度玩乜鬼，呢D外地人真系吾怕打扰到人地咖喔，经常凌晨一二点仲系度嘈怨巴闭。）
最近脑入面经常浮现出一句话，系『我们的留学生活』呢出记录片入面一个叫韩松既人讲既一句话
“......一切就取决于快不快......" 2007/5/24 明日最后决战 我发誓如果今年我报到名考日语2级既话，我系绝对会PASS既！！我吾想再经历今个星期既报名惊魂，竟然坐系电脑面前几个钟都抢吾到一个考试座位。到今日为之已经连续抢左4日了，依然毫无斩获，听日中午12点就系最后的战役了，如果听日抢吾到既话我林我要办定通行证去香港报名先得了。
琴日去岗顶睇日本碟既时候，竟然见到有大塚愛既恋爱写真海报卖，真系多得呢D走私档，如果吾系中国内地系无可能有得卖的～～仲要10蚊一张，杀！！
狗啊狗，我都好明白你既心情既～～，
———“载乌丁唱着你的鸽～～～～～～～”
呢种异性系甘高不可攀咖啦，忍耐下啦～～狗～
2007/5/10 夏之旅 今日无意中听到“锦绣二重唱”唱既『夏之旅』呢只歌，入面有句歌词：“走在铁路旁，我背着吉他....”
吾知点解听到呢句歌词好有FEEl，可能我家就在“铁路旁”既原因啦，读培正既时候我经常沿住铁路边行出去搭车，所以呢个画面对我来讲好有亲切感，虽然我记忆中既“铁路旁”比较恐怖并且好臭下，仲经常惊现老鼠尸体.....
数下手指，今个月既日子已经数到手指尾了，21号就要报名考日文，然后就.....勉強！！！勉強！！！！！
部电脑换左个声卡同音箱之后，D声果然靓左吾少，衣家专搵D音质好既歌来听，享受享受......
|
|||
发送私人消息
订阅 RSS 源
告诉朋友
添加到 Live.com
添加至您的网络
订阅提醒|
|
